महाराष्ट्र राज्य माध्यमिक व उच्च माध्यमिक शिक्षण मंडळ (MSBSHSE) लवकरच इयत्ता 10वी (SSC) परीक्षेचा निकाल जाहीर करणार आहे. यंदा ही परीक्षा 21 फेब्रुवारी 2025 पासून सुरू होऊन 17 मार्च 2025 रोजी संपली होती. परीक्षा दोन सत्रांमध्ये – सकाळी 11 ते दुपारी 2 आणि दुपारी 3 ते संध्याकाळी 6 या वेळेत घेण्यात आली होती.
निकाल जाहीर होण्याची तारीख आणि वेळ
निकाल जाहीर होण्यापूर्वी मंडळाकडून अधिकृतपणे निकालाची तारीख व वेळ जाहीर केली जाईल. एकदा निकाल जाहीर झाला की, विद्यार्थी अधिकृत संकेतस्थळांवर जाऊन तो पाहू शकतील.
निकाल पाहण्यासाठी संकेतस्थळे
विद्यार्थी खालील संकेतस्थळांवर आपला निकाल पाहू शकतात.
- mahresult.nic.in
- sscresult.mkcl.org
- sscresult.mahahsscboard.in
निकाल कसा पाहावा?
- महाराष्ट्र बोर्डाच्या अधिकृत mahresult.nic.in संकेतस्थळावर जा.
- “Maharashtra SSC Result 2025” या लिंकवर क्लिक करा.
- नवीन पेज उघडल्यावर आपली सीट नंबर व अन्य माहिती भरा.
- सबमिट बटणावर क्लिक करा.
- स्क्रीनवर तुमचा निकाल दिसेल.
- निकाल डाउनलोड करा आणि भविष्यासाठी त्याची प्रिंट घ्या.
प्रेस कॉन्फरन्समधून निकाल जाहीर
निकाल जाहीर करताना एक प्रेस कॉन्फरन्स घेतली जाईल. त्यात एकूण विद्यार्थ्यांची संख्या, उत्तीर्ण टक्केवारी आणि विभागनिहाय निकालाचा तपशील देण्यात येईल.
मागील वर्षाचा निकाल
2024 साली 10वीचा निकाल 27 मे रोजी जाहीर झाला होता. त्या वेळी 15.60 लाख विद्यार्थ्यांनी नोंदणी केली होती, त्यापैकी 15.49 लाख विद्यार्थ्यांनी परीक्षा दिली. एकूण 95.81% विद्यार्थी उत्तीर्ण झाले होते. मुलींची उत्तीर्ण टक्केवारी 97.21% होती, तर मुलांची 94.56% होती. कोंकण विभागाने सर्वाधिक 99.01% निकाल दिला होता, तर नागपूर विभागाचा निकाल सर्वात कमी म्हणजेच 94.73% होता.